Lanbro eta lainoak agertuko dira egunaren hasieran, baina, ondoren, beste behin, egun eguzkitsua izango dugu. Egongo diren hodei apurrak atmosferaren goi mailetan kokatuko dira. Eolo hegoaldetik ariko da, ahul-bizi, zenbait bolada gogor har ditzakeelarik. Tenperatura goxoak espero dira egun gehienean, 2 eta 22 gradu arteko alde termikoarekin.
Goizean goiz laino eta lanbro horiek errepikatuko dira asteazkenarekin batera; ondoren, hodeiak eta ostarteak izango ditugu, eta hauts gandua ere ate joka ibili daiteke. Eolok hego osagaian segituko du, baina bezperan baino gogorrago egingo du, batez ere haizeguneetan. Baina hori gauean eta goizean baino ez da izango, arratsalderako indarra galduko baitu. Termometroetan, 4 eta 20 gradu artekoan ibiliko dira eguneko tenperaturak.