Ostegunarekin batera ostarteak zabalduko dira, baina armairuaren hondotik mauka motza ateratzeko tentaldiari eutsi beharko zaio, ordu gutxiko kontua izango baita. Are gehiago, egunean bertan euri txikia izan dezalkegu ere. Haize oso zakarra ibiliko da, gainera, Euskalmetek abisu horia eman duelarik: haizegune ez diren tokietan haizeak 80 km/h-ko abiadura har dezake, eta 100 km/h-koa haizeguneetan. Termometroak Gasteizen 10 eta 16 gradu artekoan ibiliko dira.
Ostiralak beste behin hodeitza ekarriko du harekin, pixkanaka handituz eta oso estalita geratu arte. Euri txiki-ertaina bota dezake, batez ere egunaren bigarren partean. Eolok bolada gogorrak mantenduko dituela aurreikusi dute, hego-mendebaldeko bere tronutik. Termometroak behera egingo du berriro, 7 eta 15 gradu artean kokatuz.