Hasi zen bezala bukatuko da lan astea: zerua partz hodeitua, eta arratsaldean gehiago estaltzeko joerarekin. Berezizi eguerditik aurrera zaparrada txikiak bota ditzake; are trumoitsuak izan daitezke, txingor txikiak botatzeko aukerarekin. Aste osoa gurekin egon den hego-mendebaldeko haizeak ez gaitu utziko, festa bukatu denean etxera itzuli nahi ez duen lagun hori bezala. Bolada gogorrak izan ditzake, gainera. Tenperaturak 5 eta 11 gradu artean ibiliko dira Gasteizen.
Asteburuari begira, hodeitzak bere horretan jarraituko du, eta euria egin dezake bi egunetan. Haize zakarrak ez du lagunduko giroa baretzen. AEMETen arabera, larunbatean egongo da noizean behin Eguzkia ikusteko aukera gehien, igandean ekaitzak jo dezakeelarik. Tenperaturak ez dira asko aldatuko, hurrenez hurren 5 / 10 eta 2 / 9 artean ibiliko direlako hiriburuan.