Asteazkenarekin batera hodeiek ugaritzera egingo dute, eta aukera gehiago egongo da zaparradak botatzeko. Hego-mendebaldeko haizea egongo da, bolada gogorrekin. Elur kota 1000-1200 metro artean egongo da. Tenperaturei dagokienez, atzokoen antzekoak izango dira, 3 graduan hasi eta 12 gradura igotzeraino.
Biharko, antzeko agertokia marratu dute meteorologoek. Zeru oso hodeitsuak izango ditugu, eta noizean behin zaparrada txiki eta ertainak botako ditu. Eolo ahul-bizi ibiliko da, zenbait bolada gogorrekin, eta hego-mendebaldeko osagaian geratuko da, setatsu. Tenperaturak zertxobait igoko dira, eguneko alde termikoa Gasteizen 5 eta 18 gradu artean geratuko baita.