Aste berriak ez du harekin eguzkirik ekarriko; ez hasierako egunetan, bederen. Hala, gaur ortzia hodeitsu egongo da, eta noizean behin zaparradak botako ditu. Eolok hego-mendebaldean tematuta segituko du, eta oso bolada gogorrekin ariko da. Tenperatura baxuekin jarraituko dugu, 5 eta 11 gradu arteko aldean.
Beste horrenbeste ekarriko du astearteak, zerua tarteka hodeitsu egongo baita. Euria egiteko aukerak bereziki egunaren bigarren partean pilatuko dira. Haizearen portaera bezperaren berdin-berdina izango da, eta tenperatura minimoak are gehiago jaitsiko dira: Gasteizen 3 eta 11 gradu artekoan mugituko da galinstanoa.