Zeru hodeitsu tarte oso hodeitsuekin iragarri ditu Euskalmetek, baina AEMETek goizean bederen hodei gutxi egongo direla dio. Elur kota 1.000 metroren bueltan egongo da, eta gauean gehiago jaitsiko da. Hego mendebaldeko haize biziak bolada gogorrak izango ditu —abisu horia eman du EAEko agentziak—. Egunaren tarte termikoa 3 eta 10 gradu artean ibiliko da Gasteizen.
LAR Asteburuari begira, bi agentziak bat datoz zeru hodeitsuak iragartzean. Bereziki igandean egongo da aukera gehien prezipitazioa izateko, eta hori elur gisa ere izan daiteke. Euskalmetek 1.000 metro behera kalkulatu du elur kota, baina AEMETek larunbatean 400 metroan ezarri du koska hori. Eolok indartsu segituko du, eta tenperaturen tartea, Gasteiz erreferentzia hartuta, 0 / 7 eta 3 / 11 izango da.