Lehen orduetan lainoa izango dugu, baina ortzia nahiko garbi geratuko da —goizean bederen— horiek altxatzean. Azken orduetan, baina hodei gehiago izango ditugu. Hegoaldeko haizea ariko da, eta batez ere arratsaldean indar gehiagorekin joko du. 0 eta 10 artean kulunkatuko da galinstanoa, baina -2ºC-ra arteko sentsazio termikoa izango dugu hotz gehien dagoenean.
Arratsaldean pilatutako hodei horiek asteartean geratuko dira, eta inoiz zaparradak izango ditugu ere, batez ere egunaren bigarren partean. Eolo bezperan bezala arituko da, hego-mendebaldetik, eta arratsaldean bolada gogorrak izateko arriskuarekin. Minimoak dezente igoko dira, 5 eta 11 gradu arteko alde termikoa geratuko zaigularik.