Astea amaitzeko, ostiralak zeru estaliak oparituko dizkigu, eta, batez ere arratsalde partean, euri txiki edo ertaina ere bota dezakeela ohartarazi dute honetaz dakitenek. Haizea ahul-bizi ibiliko da, hego mendebaldetik, zenbaitetan gogoz. Egun hotza izango da, eguneko alde termikoa 6 eta 9 gradu artean baino ez baita mugituko.
Asteburuari dagokionez, larunbat goizean hodeitzak pilatuta jarraituko du, arratsaldean zertxobait arinduko bada ere. Eguna bukatzearekin batera, berriro ere metatuko dira zeruko kotoi grisak. Igandean ere zerua tarteka hodeitsu egongo da, eta zaparrada trumoitsuak bota ditzake. Igandea bereziki hotza izango da; alde termikoari erreparatuta, hurrrenez hurren, larunbat eta igandean, 4 / 11 eta 1 / 9 gradu arteko aldeak iragarri dituzte.