Ohiko jaiotza estatikoetatik harago diren proposamenak badaude gurean. Sarria, Biloda, Zurbao eta Samaniego jaiotza bizidunak mantentzen dituzten herriak dira. Zenbait kasutan, mende erdiz egin behar da denboran atzera tradizio honen hasierak aurkitzeko, aro garaikideari dagokienez bederen.
Billodaren kasuan abenduaren 20ra aurreratzen dute antzezpena, eta Zurbaon are goiztiarragoak dira, astebete aurreratuz: hilaren 13an egin dute aurten. Horrez gain, herri honetan ekintza osagarriak prestatu dituzte. Gasteizen ere egingo dute aurten, 19 eta 20an, Santa Maria plazan. Datekin zurrunagoak dira Samaniegon (hilaren 24an egiten dute) eta Sarrian (Gabon Egunean).