Astearteak zeru oso hodeitsuak ekarriko dizkigu. Gainera, noizean behin euria egin dezake. Hego haizea izango dugu egunaren hasieran, baina eguerditik aurrera ipar osagaian finkatuko da. Oro har, giro hotza mantenduko da, ia-ia tenperatura aldaketarik gabe: 7 graduko minimoa egongo da Gasteizen, eta gehienez 11 gradura igoko da.
Tankera berdinean esnatuko da asteazkena, zeru oso hodeitsuekin eta euri txikia egiteko aukerekin. Orduak pasa ahala, ordea, atertzera egingo du, ostarteak irekiz. Eolok bezperaren kontrako hurrenkera hartuko du bere aldaketan: iparretik egingo du goizean, eta hegoaldetik arratsaldean. Alde termikoa zertxobait zabalduko da, 4 eta 12 gradu artekoarekin.