Gripearen birusaren intzidentzia nabarmen handitu da aurten, Jaurlaritzak ohartarazi duenez. Datuak argiak dira: Araban 446 kasu atzeman dira 100.000 biztanleko. Bizkaiaren egoera larriagoa da, 506 kasurekin. EAE mailan 439 kasu izan dira 100.000 biztanleko, iaz garai berean intzidentzia 160 kasukoa zenean.
Txertaketa ere hazi da iazkoarekiko, baina ez proportzio berean: %12 igo da EAEn, 570.000 dosirekin. Araban aurten 80.314 txerto jarri dituzte. Bestetik, birusaren gorakadak eragin handia izan du ospitale sarean, sarrerak bost aldiz handiagoak izan baitira. Egun, oheen okupazioa %75ean dago.
Horrela jarraituz gero, aurreikusi Gabonetan ere kasu asko pilatuko dira. Osakidetzak dio txertoa jartzea eta maskara erabiltzea direla, "gaur egungo testuinguruan, gripearen aurkako prebentzio tresna egokienak". Gogora ekarri dute gripearen sintomak izatekotan maskara erabili behar dela, eta behar hori are handiagoa da gaixotasun larria izateko duten pertsonekin egonez gero. Beste ohiko gomendio bat da eskuak maiz garbitzea, bai eta gainazalak garbitzea ere.