Laino handiekin esnatu da Ebro aldeko ibarra, eta zeru gardenekin. Euskalmeten iragarpenaren arabera, ordea, goizean hodeiak ugarituko dira, oso hodeitsu geratu arte. Are, arratsaldean euritara jo dezakeela dio meteorologia erakundeak. Eolo hego-mendebaldetik ariko da, bolada gogorrekin —abisu horia eman dute Bizkaian eta kostaldean—; arratsaldean, ordea, indarra galduko duela diote. Tenperaturetan ez da aldaketa askorik espero, 7 eta 15 gradu artean egongo baita alde termikoa Gasteizen.
Bihar ere antzeko agertokia marraztuko zaigu, zerua estalita egongo delako, eta noizean behin euria egingo duelako. Gau partean, ordea, atertzera egingo du. Haizeak hegoaldetik joko du goizean, eta iparraldetik arratsaldean. Tenperaturei dagokienez, berdinetan ibiliko gara, 7 eta 13 gradu artekoan