Goiza atzoko egunaren antzekoa izango da, zeru oso hodeitsu eta euriarekin, baina arratsalderako ostarte zabalak irekiko dira, atertzeraino. Eolo ipar osagaian finkatuta ibiliko da, eta bolada gogorrak botako ditu. Hori bai, hotza mantenduko da, hiriburuan bederen alde termikoa 1 eta 8 gradu artean ibiliko baita.
Asteazken arratsaldeko menia ez da luzaroan mantenduko, ostegunean ere hodeiak eta euria iragarri dituztelako honetaz dakitenek. Ez omen da euri asko izango, ordea. Oraingoan haizea mendebaldetik ariko da, aparteko indarrik gabe. Goizean goiz eta gauean hotza mantenduko bada ere, egunean zehar tenperaturak zertxobait igoko dira, 1 eta 11 gradu arteko tenperaturekin.