Bere horretan jarraituko du asteak, setatsu: zerua oso hodeitsu egongo da, eta, hodeiez gain, euria ere bota dezake noizean behin. Ipar-mendebaldeko haizea ariko da, eta bolada gogorrak izango ditu. Hotza nabaria izango da: 3 eta 9 gradu arteko aldea iragarri dute Gasteiz ingururako, baina, AEMETen arabera, sentsazio termikoa dezente baxuagoa izango da, -1 eta 6 gradu artean kokatuz.
Asteazkena ere antzera esnatuko da, zerua oso hodeitsuarekin, bai eta euriarekin ere. Orduak pasa ahala, ordea, atertzera egingo du, ostarte zabalekin. Eolok ez du aldatzeko asmorik agertuko, ipar osagaian tematuta, eta bolada gogorekin. 2 eta 8 gradu artean baino ez da mugituko galinstanoa.