Zeru hodeitsuekin jarraituko dugu gaur, egunaren bigarren partean estalita geratu arte. Une horretan prezipitazio txiki edo ertaina egin dezake. Haizea mendebaldetik ariko da, ahul-bizi, arratsaldean ipar osagaian finkatu eta indartsuago joz. Tenperaturen beherakada are indartsuagoa izango da, eguneko alde termikoa 1 eta 11 gradu artean kokatuz.
Abisu horia ezarrita dago biharko, tenperatura baxuengatik, eta elurra botatzeko arriskuagatik. Elur kota 800-1000 metroren bueltan egongo da hasieran, baina arratsalderako 500-700 metro artean egon daiteke. Zeru hodeitsuak izango ditugu, eta zaparrada txiki-ertainak bota ditzake. Eolok ipar partetik egingo du, ahul-bizi, bolada gogorrekin. Termometroa -2 eta 4 gradu artean baino ez da mugituko Gasteizen.