Elurrarekin bukatu daitekeen aste honi zeru hodeitsuekin emango diogu hasiera, bai eta euri txikiarekin ere, batez ere egunaren erdiko orduetan. Eolo ahul-bizi ariko da goizean, iparraldetik, eta arratsaldean are indartsuago ibiliko da, bolada gogorrekin. 6 eta 14 gradu arteko alde termikoa izango dute hiriburuan.
Beste horrenbeste izango dugu bihar, zeru hodeitsu edo oso hodeitsuekin, bereziki egunaren lehen partean. Iparraldeko osagaian ibiliko da haizea, baina gero hego-mendebaldekoan finkatuko da, indar askorik gabe. Tenperaturek beheranzko joeran segituko dute, 3 eta 9 gradu artean.