Atzo baino dezente garbiagoa etorriko da asteartea: zerua hodei gutxirekin mantenduko da, erdi eta goi mailako zenbait hodeirekin. Eolok gogotik egingo du ufa hegoaldetik, eta bereziki egunaren amaieran bolada gogorrak izango ditu. Tenperaturen tartea 6 eta 18 gradu artean mantenduko da.
Oso antzeko agertokia marraztuko zaigu bihar, zerua hodei gutxirekin edo partez hodeitsu egongo baita. Eolok ere ez du berrikuntzarako aukera larregirik adierazkiko, hegoaldeko osagaian geratuko baita, ufada indartsuekin. Tenperaturetan ere ez da aparteko aldaketarik egongo, Gasteizen 7 graduan hasi eta 19 graduraino igoko direlako.