Zerua tarteka hodeitsu egongo da, eta goizak aurrera egin ahala hodeitza handituko da, erdi eta goi mailako hodeiak nagusituz. Horiekin batera euri txikia bota dezake, batez ere egunaren bigarren partean. Hego-mendebaldeko haizea izango dugu, bizi, eta bolada gogorrekin. 11 eta 21 gradu arteko alde termikoa egongo da.
Asteburuari begira, batez ere larunbatean egingo du euri gehien. Goizean zaparrada txikiak egongo dira, eta egunaren bigarren partean handiagoak izan daitezke. Igande goizean hodei gutxiago egongo badira ere, eguerditik aurrera berriz ere pilatuko dira. Hurrenez hurren, larunbat eta igandean 9 / 18 eta 6 / 16 gradu artean ibiliko da termometroa.