Behin lehen orduetako lainoak altxatzean, zerua hodei gutxirekin geratuko da, giro eguzkitsua nagusituz. Goizean mendebaldetik jardungo du Eolok, eta iparraldetik arratsaldean. Eguzkia izan arren, tenperaturek ez dute goregi egingo. 2 eta 16 gradu arteko alde termikoan geratuz.
Beste horrenbeste espero da bihar goizerako, lanbroen osteko ordu eguzkitsuekin. Arratsaldean, ordea, hodei gehiago pilatuko dira: hegoaldetik etorriko diren erdi eta goi mailako hodeiak izango dira horiek. Haizeak hegoaldeko osagaian finkatuta jarraituko du, eta arratsaldean dezente gogorrago egingo du. Tenperaturei dagokienez, ez dira, ez, mauka motzean ibiltzeko modukoak izango, hiriburuan 4 eta 19 gradu artekoan mantenduz.