Lanbroez gain, hodei gutxiko eguna izango dugu. Arratsalderako, ordea, goi hodeiak pilatzen joango dira pixkanaka. Haizeak ez du aparteko indarrik izango, eta noraezean jardungo du. Termometroetan aldaketa nabarmena izango dugu, maximoek gora egingo dutelako: 7 graduan hasi eta 27raino igoko dira tenperaturak.
Atzo ez bezala, gaur zeru hodeitsuak izango ditugu, Euskalmeten arabera erdi eta goi mailako hodeiekin —AEMETek, ordea, zeru garbiagoak aurreikusi ditu—. Norabide aldakorreko haize ahularekin batera mugituko dira hodei horiek. Arratsaldetik aurrera Eolo iparretik egingo du gehienetan. Minimoak dezente igoko dira: 11 eta 26 gradu arteko alde termikoa izango dugu.