Goizeko 8:00ak eman aurretik istripu bat izan da A-1 autobidean, Lopida herritik gertu. Bost ibilgailuk elkar jo dute, lau autok eta kamioi batek. Ertzaintza, suhiltzaileak eta hainbat anbulantzia bertaratu dira, eta lau pertsona eraman behar izan dituzte Txagorritxuko ospitalera.
Suhiltzaileak jada joan dira istripuaren zonaldetik, eta trafikoa desbideratzen ari dira Lopidako zerbitzubidetik. Hala ere, A-1ean auto pilaketak daude oraindik Lopidako gasolindegiaren inguruan.
A-1aren 350. kilometroan izan da ezbeharra, eta behe-lainoa zegoela aipatu dute arrazoi posible gisa. Gertatutakoa ikertzen ari da Ertzaintza.