Erdi eta goi mailako hodeiak izango ditugu zenbait tartetan, baina eguzkiaz gozatu ahalko da. Arratsaldean bero hodeiak metatuko dira, eta horiek zaparrada trumoitsuren bat bota dezakete. Hegoaldeko haizea bolada gogorrak izango ditu, eta hori arazo izan daiteke suteak piztekotan. Euskalmetek abisu hori bikoitza jarrita dauka, tenperatura altuengatik eta baso sute arriskuagatik. 17 eta 34 gradu arteko alde termikoa espero da Gasteizen.
Asteburuari begira, gauzak aldatuko dira, larunbatean eta bereziki igandean zeru hodeitsuak izango ditugulako. Bi egunetan zaparradak bota ditzake, Euskalmeten arabera. AEMETek, berri, bustitzeko aukera dezente handiagoa aurreikusi du iganderako. Egun horretan, gainera, tenperaturak amilduko dira: larunbateko tartea 13 eta 32 gradu artekoa izango den bitartean, igandean 7 eta 16 gradu artekoa baino ez da izango.