Oso laino gutxi ikusiko ditugu zeruan, behin goizean goizeko lainoak desagertzen direla. Hortaz, atzoko egun dotorea errepikatzear da. Eolok zertxobait freskatu dezake giroa, hegoaldetik ahul-bizi ariko baita. Tenperatura altuak espero dira, eta Euskalmetek gaurko zein biharko abisu horia eman du horregatik. Gasteizen 13 graduan hasi eta 36 gradura iritsiko dira.
Ostiralean, goiz lanbroaz gain, behe eta goi mailako zenbait hodeik zipriztinduko dute ortzia, eta arratsaldean, beroarekin, bero hodei modura pilatu daitezke, zaparrada trumoitsuak botatzeko aukerarekin. Hegoaldeko haizea bezperan baino indartsuago ibiliko da, bolada gogorrak izateko aukerarekin. Bero handia mantenduko da, batez ere minimoak dezente igoko direlako: 17 eta 34 gradu artean ibiliko dira.