Atzokoaren bidetik, gaur zerua tarteka hodeitsu egongo da Gasteizen. Eolo ahul-bizi ariko da, eta gehienetan mendebaldetik edo hego-mendebaldetik joko du. Tenperaturetan ez da aldaketa handirik egongo, 14 eta 25 gradu arteko alde termikoan geratuko delako.
Ostiralerako, berriz, hodeitza askoz trinkoagoa izango da, goizean bederen. Ordu horren bueltan euri txikia egin dezake ere. Arratsaldean, osterantzean, ostarteak zabaltzen hasiko dira. Haizeak iparraldetik egingo du ufa; goizean ahul ariko da, baina arratsaldean tarte biziagoak hartuko ditu. Termometroetan 12 eta 23 gradu arteko aldea izango dugu.