Atzo hasitako joera bere horretan mantenduko da astearen lehen egun honetan, zeruak oso hodeitsu jarraituko duelako, eta, are, euri txikia egin dezakeelako. Eolo ipar osagaitik ariko da, ahul bizi, eta bolada gogorrak har ditzake. Tenperaturen aldaketa egongo da ere, maximoak dezente jaitsiko direlako: 12 eta 18 gradu arteko aldea egongo da Gasteizen.
Beste horrenbeste ekarriko di astearteak, batez ere goizean hodeiak gurekin geratuko direlako, eta euri txikia egiteko aukera egongo delako. Arratsalderako, ordea, horiek gutxitzera egingo dute, eta hodei batzuk baino ez dira geratuko zeruan. Ipar osagaiko haizea ibiliko da. Tenperaturetan ez da aldaketa askorik izango, 10 eta 20 gradu arteko aldean geratuko baitira.