Paul Urkijoren Gaua filmaren lehen irudiak ezagutarazi ditu Filmax banatzaileak, teaser edo aurrerapen baten bitartez. Erremintari eta Irati filmen ostean, gasteiztarraren hirugarren film luzea azaroaren 14an estreinatuko da zinema aretoetan, baina aurretik Sitgesko jaialdiaren 58. edizioan ikusi ahalko dute osorik.
XVII. mendean eta euskal mitologian girotuta, gau erdian senarrarengandik ihes egiten duen Kattalinekin abiatzen da filma. Atzetik zerbait ezezaguna duela sentituko du, baina laster topo egingo du basoko ibaian arropa garbiketan ari diren hiru emakumerekin.