Euskarabentura Arabako lurretan dabil egunotan. Uztailaren lehenean eman zioten hasiera ibilbideari Atharratzen, eta zazpi lurraldeak zeharkatuko dituzte hilabete osoan zehar. Zuberoatik hasi, Nafarroa Beherea gurutzatu, eta Iruñeko San Ferminetan erromerian aritu ostean Arabara heldu dira udalekuak.
Añanan sartu ziren asteazkenean, Argantzonera ibilaldia ostegunean, eta Gasteizako bidea hartuko dute gaur goizean. Izarra, Elosu eta Araian ere egingo dituzte geldialdiak datozen egunetan, uztailaren 15ean Gipuzkoara sartu aurretik.
Herrialde guztietako gazteak biltzen dira Euskarabenturan, eta askorentzat izaten da 24 orduz euskaraz bizitzeko aukera berria, ohiko hizkuntza joerak hautsita. Euskalki berriak ikasi eta harreman sareak sortzeko parada izango dute 126 gaztek uztailaren 31 bitartean.