Goizean lanbroa eta lainoa agertuko diren arren, ondoren hodei gutxiko eguna geratuko zaigu. Haizea ahul-bizi ibiliko da, eta norabide aldakorra izango du. Beste behin, tenperaturek goranzko joera hartuko dute, eguneko alde termikoa 11 eta 29 gradu artean geratuz hiriburuan.
Beste horrenbeste gertatuko da bihar, egunsentiarekin batera laino eta lanbroak agertu daitezkeelako, baina, ondoren, zerua hodei gutxirekin edo oskarbi geratuko baita. Orduek aurrera egin ahala, ordea, bero hodeiak pilatuz joan daitezke, baina ez dirudi ura askatuko dutenik. Beste behin, Eolo aldakor ibiliko da, arratsalde partean ipar-ekialdeko osagaian finkatuko bada ere. Tenperaturek are gorago egingo dute, 13 eta 32 gradu artean finkatuz.