Astearte eguzkitsua izango dugu, goi mailako hodeien tarteren bat egon badaiteke ere. Eguzkiarekin batera, norabide aldakorreko haizea izango dugu. Goizean ez du aparteko indarrik izango, baina, arratsaldea iritsita, ipar-ekialdetik ariko da, talde biziagoekin. Beroa izango dugu, beste behin: Gasteizen 14 eta 27 gradu arteko aldea izango dute.
Beste horrenbeste ekarriko du asteazkenak: behin goizean goizeko lainoak pasata, giro eguzkitsua gailenduko da. Arratsalderako, ordea, tarte hodeitsuak izan ditzakegu, baina goi mailako hodeiak izango ei dira. Eolo, bere horretan, ahul eta aldakor, arratsaldean berriz ere ipar-ekialdean finkatuko bada ere. Maximoak dezente igoko dira, eguneko alde termikoa 12 eta 30 gradu artean kokatuz.