Hauts gandua agertzeko arriskua azken egunetan baino handiagoa izango da. Gainerakoan, zerua tarteka hodeitsu egongo da, eta arratsalderako zaparrada trumoitsuak botatzeko aukera handia dago. Txingorra eta guzti bota lezake. Hegoaldeko haize ahul-bizia izango dugu, bolada oso gogorrak har ditzakeena. Tenperatura altuak mantenduko dira: Gasteizen 18 eta 30 gradu arteko alde termikoa izango dute. Bai prezipitazio handiengatik zein tenperatura altuengatik abisu horiak ezarri ditu Euskalmetek.
Bihar garbiago egongo bide da, goizean lainoa eta lanbroa agertuko badira ere. Hodei gutxi batzuk baino ez dira ikusiko. Norabide aldakorreko haize ahula izango dugu, eta tenperaturek zertxobait behera egingo dute, 15 eta 29 gradu arteko alde termikoarekin.