Cordillera Blanca mendikatean erronka berri bati heltzeko asmoarekin heldu ziren ekaina hasieran Perura Iker eta Eneko Pou anaiak. Baina mendizale batzuk desagertu zirela jakin zuten orduan, eta erreskate taldean parte hartzea erabaki zuten. Hiru eguneko bilaketa lanen ostean, erreskatearen lehen txanpa berririk gabe amaitutzat eman dute.
Hiru mendizale desagertu ziren Artesonrajun (6.025 m), eta laster antolatu zuten erreskate taldea. "Hiru egunez bila ibili ondoren, ia jatekorik gabe eta lorik egin gabe, Artesonrajun desagertutako hiru lagunen berririk gabe jarraitzen dugu. Ea datozen egunetan, aireko laguntzarekin, erantzunen bat iristen den. Orain, familiari lagundu behar zaio", idatzi dute anaiek sare sozialetan.
Bertan behera utzitako erronkari helduko diote orain. Perun 19 bide ireki dituzte Pou anaiek orain arte, eta bide berriak irekitzeko asmoa dutela jakinarazi dute.
RESCATE EN PERÚ 🇵🇪 | SIN RASTRO
— Hermanos Pou (@hermanospou) June 7, 2025
Tras 3 días intensos de búsqueda, sin apenas dormir ni comer, seguimos sin noticias de los tres desaparecidos en el Artesonraju.
Ojalá en los próximos días, con ayuda aérea, llegue alguna respuesta. Ahora toca acompañar a las familias. ❤️🙏 pic.twitter.com/HtXV9ovhVC