Goizeko lainoak eta egunean zehar egon daitekeen hauts gandua izan ezik, eguna gehienetan eguzkitsu egongo da, goi mailako hodeiekin. Hego osagaiko haize ahul-bizia izango dugu, arratsaldean ipar-ekialdeko osagaia hartuko duena. Orduan indartuko da. Arratsaldean bero hodeiak garatu daitezke, eta horiek gero ekaitz modura askatu ditzakete pilatutako bero eta hezetasun guztia. Bero handiko eguna izango da, abisu horiarekin: hiriburuan 16 eta 33 gradu arteko aldea izango dute, Oionen 36 gradura iritsiko direlarik.
Bihar hodei gehiago eta hauts gandua agertu daitezke, baina, oro har, egunak antzeko ibilbidea izango du: arratsaldetik aurrera bero hodeiek zaparrada trumoitsuak garatzeko bidea eman dezakete. Hegoaldeko haizea izango dugu, bolada gogorrak har ditzakeena. Termometroan ere, atzera ibiliko gara, Gasteizen 19 eta 31 gradu arteko tenperaturekin.