Gasteizko eta Altsasuko bi gazte hil dira igande honetan Burgosen izandako auto istripuan. Ikerketen arabera, 200 metroko altueratik erori da ibilgailua Espinosa de los Monteros herrian, 16:00ak aldera.
Bost pertsona zihoazen autoan, Kantabriatik etxera bueltan. Bi lekuan bertan hil dira, eta beste hirurak Gurutzetako ospitalera eraman dituzte, horietako bi larri. Hildako gasteiztarrak 19 urte zituen, eta 20 urte altsasuarrak.