Aurtengo errenta aitorpena aurkezteko epea uztailaren 4ra arte luzatuko duela iragarri du gaur Foru Ogasunak. Ohar batean aldundiak azaldu duenez, Gasteizko, Laudioko eta Guardiako bulegoetan izan den aurrez aurreko hitzorduen "eskari handia" dela-eta hartu dute erabakia. Hitzordua eskatzeko azken eguna ekainaren 9a izango da.
Iazko kanpainarekin alderatuta hitzordu gehiago eskatu direla direla dio Ogasunak, horren inguruko daturik zabaldu ez badu ere. Bestalde, aurten aitorpen kopurua ere handiagoa izango dela aurreikusi dute: 199.860 aitorpen espero dira, 2024ko 194.460 aitorpenen aldean —%2,8 gehiago—.
Neurri honek Rentaraba eta Rentared modalitateetan eragina duela erantsi dute, baita Ondarearen gaineko zergan eta aberastasun handien gaineko zergan ere.