Atzo arratsaldean hasitako aldaketa guztiz gauzatuko da gaur, zerua oso hodeitsuak izango ditugulako. Are, euri txikia egin dezake, Euskalmeten arabera. Eolo ipar-mendebaldetik ibiliko da, ahul-bizi, eta arratsalde partean ipar osagaian finkatuko da. Tenperatuak jaitsiko dira, eguneko tartea Gasteizen 8 eta 17 gradu artean geratuz.
Antzeko giroa errepikatuko da bihar, hodeitsu egongo baita. Beste behin, euri txikia egin dezake. Ipar-mendebaldeko haizea izango dugu, ahul-bizi, egunaren amaieran indarra galduko duena. Tenperaturetan ez da aldaketarik izango, 8 eta 17 gradu arteko iragarpena mantendu baitute.