Gasteizek EAEko hiriburu izatearen 45. urteurrena ospatuko du hilaren 23an eta 24an, zenbait eraikin instituzionalera bisita gidatuak antolatuz. Ibilbideek Ajuria Eneko lorategiak, Eusko Legebiltzarra, Foru Aldundia eta Batzar Nagusiak, Gasteizko Udaletxea, eta Gobernuaren Ordezkaritza eta Ordezkariordetza bisitatuko dituzte.
Udalak ohar batean ezagutzera eman duenez, guztira, dozena bat bisita gidatu egingo dira, 360 plaza eskainiz, talde bakoitza gehienez 30 pertsonak osatuta. Ostiralean Eusko Legebiltzarra, Ajuria Eneko lorategiak eta Gobernuaren Ordezkaritza bisitatuko dira. Larunbatean, Foru Aldundia eta Batzar Nagusiak, Udaletxea eta Gobernuaren Ordezkariordetza izango dira protagonista. Bisitak euskaraz eta gaztelaniaz egingo dira, hizkuntz bakoitzean sei ibilbide eskainiz.
Parte hartu nahi dutenek www.labur.eus/capital estekan dagoen inprimakian eman dezakete izena, maiatzaren 21era arte.