Laino eta lanbroekin hasiko da eguna, baina, ondoren, zerua hodei gutxirekin geratuko da. Arratsaldearekin batera, ordea, behe hodeiak ugarituko dira, eta zaparradaren bat edo beste bota dezake. Eolo hegotik egingo du goizean, eta iparretik arratsaldean, bizi, eta bolada gogorren batekin. Gasteizen tenperaturek 5 eta 17 gradu arteko ibilbidea egingo dute termometroan.
Ostiralean zerua hodeitsuago egongo da, batez ere arratsaldean. Orduan zaparrada ertain eta trumoitsuak bota ditzake. Are, kazkabarra eta guzti izan genezake. Haizea bezperaren joera eta portaera berdinean ariko da. Tenperaturetan ere ez da ia aldaketarik izango, Gasteizen 6 eta 17 gradu arteko aldea izango dutelako.