Goizean goizeko lainoekin hasiko da eguna, eta zerua tarteka hodeitsu egongo da hasieran. Dena den, orduek aurrera egin ahala garbitzera egingo du, eta giro eguzkitsuaz gozatu ahalko da. Ziertzo edo bagurrina izango dugula dio Euskalmetek, mendebaldetik eta iparraldetik, ahul-bizi ibiliz. Tenperaturak 4 graduan hasi eta 16 gradura igoko dira.
Behin lainoak altxatuta, hodei gutxirekin geratuko da ortzia; arratsalderako bero hodeiak pilatu daitezke, eta, ondorioz, zaparrada ertain eta trumoitsuak bota ditzake. Norabide aldakorreko haize ahula ibiliko da, eta termometroek 6 eta 18 gradu arteko alde markatuko dute Gasteizen.