Behin goizeko lainoak altxatuta, gaur zerua ez da guztiz garbi geratuko, eta batez ere eguerditik aurrera tarteka hodeitsu egongo da. Are, arratsalde partean zaparradak izan ditzakegu, eta izaera trumoitsua har dezakete, gainera. Ekialdetik joko du haizeak, ahul-bizi, eta gauean indar gehiago hartuko du. Tenperaturei dagokienez, 5 eta 21 gradu arteko aldea izango dute Gasteizen.
Ostiralean, lainoak errepikatuko dira hegoaldean, eta hauts gandua ere izan dezakegu. Gainerakoan, zeruak tarteka hodeitsu jarraituko du, eta batez ere arratsaldean hodeitza pilatuko da, zaparradak botatzeko aukerarekin. Hegoaldeko haizea bezperan baino indartsuago ibiliko da, bolada gogorrak izango dituelako. Minimoek dezente egingo dute gora, eguneko tartea 9 eta 20 gradu artean geratuz.