Hodeiak eta ostarteak izango ditugu gaur; arratsalde partean, bildutako beroak eta hezetasunak beren lana egingo dute, eta, beraz, bero hodeiak garatu daitezke, zaparradaren bat botatzeko aukerarekin. Arratsalde partean ipar osagaiko haizea nagusituko da. Tenperaturetan, beroa mantenduko da, 8 eta 23 gradu arteko alde termikoarekin.
Zerua tarteka hodeitsu mantenduko da ostegunean, eta, beste behin, arratsaldea bero hodeiek zaparradaren bat bota ahalko dute. Hego-ekialdeko haize ibiliko da, ahul-bizi, eta gauean bolada gogorrak izan ditzake. Tenperaturak zertxobait jaitsiko dira, baina beroa mantenduko da: 6 eta 21 gradu arteko aldea espero da Gasteizen.