Eguraldi kaskarrak segida izango du gaur, zerua tarteka hodeitsu egongo baita, noizean behin zaparradak botatzeko aukerekin. Haize gogorra izango dugunez, abisu horia ezarrita dago: hego-ekialdeko haize boladek 100 km/h-ko abiadura gaindi dezakete haizeguneetan, eta 80 km/h-koa haizegune ez diren tokietan. Termometroetan 9 eta 18 gradu arteko tenperaturak izango ditugu.
Larunbata antzeko giroarekin azalduko zaigu, zerua tarteka hodeitsu eta zaparradaren batekin egongo delako. Tenperaturetan gauzak ez dira apenas aldatuko, 8 eta 19 gradu arteko tartea mantenduz, hiriburuan. Igandea, bederen, lehorragoa izango da, goizean lanbroa eta lainoa izango dugun arren. Hodeiak eta ostarteak izango ditugu, baina ez da euririk espero. 7 eta 18 gradu artean mugituko da galinstanoa.