Atzokoari buelta emanez, pixkanaka hodeiak nagusitzen joango dira goizean zehar, egunaren bigarren partean zerua oso hodeitsu geratu arte. Haize handia espero da, abisu horia eman dutelarik: arratsaldean, haizeguneetan, boladek 100 km/h-ko abiadura gaindi dezakete, eta 80 km/h-koa gainerako tokietan. Tenperatura maximoak asko jaitsiko dira, eguneko tartea 5 eta 15 gradu artean geratuz.
Ostegunean zeruak oso hodeitsu jarraituko du, eta noizean behin zaparrada txikiak botako ditu. Hego-ekialdeko haizea izango dugu, bolada gogorrekin. Tenperatuei dagokionez, minimoetan igarriko da aldaketa handiena, Gasteizen 9 eta 14 gradu artekoak izango dituztelako.