Goizean goiz sortu daitezkeen laino batzuk alde batera utzita, zeru oskarbiak espero dira gaur, Eguzkia jaun eta jabe izango delarik. Haizeak hegotik egingo du ufa, nahiko mantso, baina bolada gogorrak har ditzake haizeguneetan. Lorenzoren lanak termometroan isla izango du, 5 eta 23 gradu arteko alde termikoa izango dugulako.
Bihar goizean, ordea, bestelako giroa ikusiko dugu, orduek aurrera egin ahala beste behin hodeitzera joko duelako. Horiekin batera euria ere etor daiteke, zaparrada txiki modura. Haizeak bezperaren bidetik joko du, hego-ekialdeko osagaian finkatuta, eta bolada gogorrak izateko aukerarekin. Maximoak dezente jaitsiko dira, hiriburuan 4 eta 14 gradu arteko aldean geratuz.