Goiz lanbroarekin hasiko da ostirala, eta, ondoren, zerua tarteka hodeitsu geratuko da. Arratsalde partean hodeitzak handitzera egingo du, gauerako zerua estalita geratu arte. Euria ere izan dezakegu egunaren amaieran. Ipar-mendebaldeko haizea ahul-bizi ibiliko da, eta egunaren amaieran bolada gogorrak izan ditzake. 5 eta 12 gradu arteko alde termikoa izango dugu.
Asteburuari dagokionez, larunbatean zerua hodeitsu edo oso hodeitsu egongo da, eta euri txikia egingo du; termometroa 5 eta 10 gradu artean ibiliko da. Iganderako, ordea, aldaketa zertxobait nabarituko da, eta goizean hodeitsu mantenduko den arren, apurka-apurka garbitzera egingo du. Alde termikoan ere igarriko da aldaketa, 3 eta 13 gradu artean kokatuz.