Asteazkenarekin batera, hodeiak tarteka agertuko dira. Haizeari dagokionez, hego-ekialdetik ariko da, eta batez ere eguerditik aurrera bolada gogorrak izango ditu. Tenperaturei dagokienez, batez ere maximoetan igarriko da aldaketa, 8 eta 15 gradu arteko aldea izango dutelako Gasteizen.
Ostegunean okertzera egingo du, Euskalmeten arabera zerua oso hodeitsu egongo baita, eta noizbehinka euria bota dezakeelako. Haizea bere horretan geratuko da, hego-ekialdeko osagaian finkatuta, eta bolada gogorrekin. Horrek guztiak maximoetan eragina izango du, eguneko alde termikoa 8 eta 13 gradu artean geratuz.