Gaur zerua partez hodeituta egongo da —Euskalmeten arabera, oso hodeitsu egongo da, baina Eguzki dotorea eta "Oskarbi" handi bat paratuta dute iragarpen ilun horren alboan—. AEMETen arabera, goi mailako hodeiak izango dira. Arabako hegoaldeko zenbait tokitan, gainera, lainoguneak eta behe hodeiak agertuko dira. Hego-ekialdeko haizea izango dugu, bolada gogorrak izango dituena. Tenperaturen tartea nahiko zabala izango da, baina erabateko hotzetik aldenduta: Gasteizen 5 eta 17 gradu arteko aldea izango dute –Euskalmetek 7 eta 11 gradu artekoa ematen du—.
Biharko, goizean goizeko laino eta lanbroak errepikatuko dira, eta hodeiak eta ostarteak izango ditugu berriz ere. Hego haizea arituko da. Tenperaturek pixka bat gorago egingo dute, 7 graduan hasi eta 18 graduraino —7 eta 12 artekoa, Euskalmetek—.