Goizean lanbro eta lainoak izango ditugu, baina arratsaldean giro eguzkitsua berreskuratuko dugula dio Euskalmetek. Eolok hegoaldetik egingo du ufa, baina ez du aparteko indarrik izango. Termometroari so eginez gero, egunean zehar 5 eta 15 gradu arteko alde termikoa ikusiko dugu.
Bihar, berriz, grisago esnatuko zaigu, zeru hodeitsuak izango ditugularik. Erdi eta goi mailako hodeiak izango dira. Haizeak hego-ekialdeko osagaian ufa egingo du, bezperan baino dezente indartsuago, gainera. Tenperaturak ia-ia berdinetan ibiliko dira, alde termikoa 5 eta 16 gradu artekoa izango baita.