Lanbro eta lainoekin esnatuko da osteguna. Ondoren, zerua tarteka hodeitsu geratuko da. Goizean zehar, baina, hodeitzak gutxitzera egingo du. Gau partean, berriz, beste behin ugaritzen hasiko dira, eta ordu horren bueltan euri txikia egin dezake. Eolo aldakor ibiliko da: goizean mendebaldetik egingo du ufa, eta iparraldetik arratsaldean. Tenperaturen tartea 2 graduan hasiko da hiriburuan, eta 12 gradura baino ez da iritsiko. Izotzari adi egon beharko zaio, beraz.
Erdi eta goi mailako hodeiekin etorriko da ostirala, baina, oraingo honetan ere, orduek arrera egin ahala gutxitzera joko dute. Goizean ekialdeko osagaia izango du haizeak, eta arratsaldean iparretik egingo du ufa. Tenperatura maximoak dezente igoko dira, 4 graduan hasi eta 17 graduraino.