Zeru oso hodeitsuekin ekin beharko diogu aste berriari. Batez ere goizean ia zerua estaltzeraino bilduko dira hodeiak. Gainera, euri txikia egin dezake. Hegoaldetik ufa egingo duen haizea izango dugu. Gehienetan ahula izango da, baina noizean behin bolada gogorrak izan ditzake. Tenperaturei dagokienez, hiriburuan 2 eta 13 gradu arteko alde termikoa izango dute.
Antzeko agertokiarekin esnatuko zaigu asteartea, batez ere goizean zerua oso hodeitsu egongo baita. Orduek aurrera egin ahala, baina, horiek gutxitzera joko dute, eta tarteka hodeitsu baino ez da egongo. Inoiz euria egin badezake ere, txikia izango bide da. Haizea bezperan baino zakarrago ibiliko da, baina hegoaldeko osagaian mantenduko da gehienetan. Tenperaturek zertxobait egingo dute gora, eguneko tartea 6 eta 15 gradu artean geratuko delarik.