Goizean, lanbroa eta lainoa agertuko dira, eta bereziki hegoaldean hodei gutxi izango ditugu; egongo diren bakarrak goi mailakoak izango dira. Eolo ahul eta aldakor ibiliko da –gehienetan ipar osagaikoa–, baina batez ere arratsaldean gogotsu ariko da, bolada gogorrekin. Zenbait tokitan izotza espero da. Atzo bezala, goizeko hamarrak arte abisu horia ezarri dute, muturreko tenperaturengatik eta izotza arriskuagatik: 0 eta 12 gradu arteko aldea espero da Gasteizen.
Beste behin lanbro eta lainoekin hasiko da eguna, eta, ondoren, hodeiak eta ostarteak izango ditugu. Eolok iparraldetik botako ditu bere ufadak. Momentuz ostegunerako abisurik eman ez duten arren, litekeena da gaurko abisua errepikatzea, antzeko tenperatura baxuak eta izotza espero baitira: hiriburuan 1 eta 12 gradu arteko tenperaturak izango ditugula iragarri dute.